Яндекс.Метрика
пятница, 22 октября 2021   Подписка на обновления  RSS  Реклама на сайте
Популярно
10:27, 12 October 2021

Жамбылдық полицейлер ірі көлемді есірткінің анықтады


2021 жылдың 2 қазанында Жамбыл облысының Полиция департаменті Есірткі қылмысына қарсы іс-қимыл басқармасының қызметкерлері  “Қарасора-2021” республикалық жедел-алдын алу іс-шарасын өткізу барысында Шу ауданынан 100 шақырым жерде  27 жастағы жергілікті тұрғынды  есірткі заттарын дайындау кезінде ұстады.

Сол  маңдағы аумақты тексеру кезінде  жас жігіттен салмағы 60 келі  440 гр болатын “каннабис өсімдігі” есірткі заты табылып, тәркіленді. Сондай-ақ, жедел-іздестіру іс-шараларын жүргізу кезінде есірткі затын  сатушыдан жалпы салмағы 103 келі  240 гр “кептірілген марихуана” есірткі затының 10 қабы тәркіленді, күдікті  бұл қаптарды жаз мезгілінде елдің солтүстік аймақтарына жеткізу  үшін дайындаған және жасырған.

Ұсталған азамат кінәсін мойындады, Шу қаласының уақытша ұстау изоляторына қамаққа алынды. Қазақстан Республикасы  Қылмыстық кодексінің   296-бабы 4-бөлігі  “Есірткі, психотроптық заттарды, сол тектестерді өткізу мақсатынсыз аса ірі мөлшерде заңсыз дайындау, қайта өңдеу, сатып алу, сақтау, тасымалдау”  бойынша сотқа дейінгі тергеу амалдары  басталды, қылмыстың бұл түрімен  үш жылдан жеті жылға дейінгі мерзімге бас бостандығынан айыру  түріндегі  жаза қолданылады.

Қазіргі уақытта қылмыстық әрекетті  ҚР ҚК-нің  297-бабы  3-бөлігімен қайта саралау  қарастырылуда.  Бұл қылмысты жасағаны үшін  мүлкі тәркіленіп, он жылдан он бес жылға дейінгі мерзімге бас бостандығынан айыру  түріндегі  жаза қарастырылған.

Сондай-ақ, ағымдағы жылдың басынан бері Жамбыл облысы ПД  Есірткі қылмысына қарсы іс-қимыл басқармасының қызметкерлері  заңсыз айналымнан 3 тонна  293 келіден  астам,  оның ішінде 800 гр героин, 103 келі  гашиш, 3 тоннадан астам  марихуана  секілді  түрлі есірткі заттары   тәркіленді.

Сонымен қатар, Жамбыл облысында шамамен 550 га  аумақта жер жырту, шабу және өртеу жолдармен  40 тоннадан астам жабайы қарасора жойылды.

Об авторе: Айгерим Ахметова


Leave a Reply

© 2021 Эк-Спорт