– Бүгін өз өмірлерін құқық қорғау ісіне арнаған, игі де құрметті мамандық иелерінің кәсіби мерекесі, – деп жазды Полиция департаментінің бастығы полиция генерал-майоры Арманбек Баймурзин өзінің фейсбук парақшасында.
Ол биылғы жыл полицейлер үшін ерекше екенін атап өтті. Осыдан тура 30 жыл бұрын тәуелсіздік таңында «Қазақстан Республикасының Ішкі істер органдары туралы» Заң – Қазақстан полициясының міндеттері мен функцияларын айқындаған алғашқы құқықтық акт қабылданды. Ішкі істер органдарының қалыптасу тарихы мемлекетіміздің даму тарихымен тығыз байланысты. Тәуелсіздік жылдарында құқық қорғау органдарының жүйесі елеулі өзгерістерге ұшырады: қылмысқа қарсы іс-қимылдың жеткілікті тиімді жүйесі қалыптасты, жаңа заңдар күшіне енді, ішкі істер органдарын жаңғырту мен реформалар жүргізілді.
Арманбек Хакимбекұлы бүгін біз жанқиярлық пен шынайы батырлықтың үлгісі болып табылатын, бейбіт уақытта азаматтардың тыныштығы мен қауіпсіздігі үшін өз өмірлерін құрбан еткендердің барлығына құрмет көрсететінімізді атап өтті.
Ол ерекше алғысын Қазақстан полициясының озық дәстүрлерін жас қызметкерлерге жеткізіп, баға жетпес тәжірибе мен білім беріп, лайықты тәртіп сақшыларын тәрбиелеп отырған барлық ардагерлерге білдірді.
Сондай-ақ, полиция қызметкерлерімен бірге қызметтің барлық қиындықтарын бірге көріп жүрген олардың жақындары мен туған-туыстарына түсіністік пен қолдаулары үшін шексіз алғысын айтты!
ПД бастығы ішкі істер органдарының барлық қызметкерлеріне, ардагерлерге, олардың отбасы мүшелеріне мықты денсаулық, амандық, ашық аспан, Отанымыздың игілігі жолындағы қызметіне табыс тіледі!
