«Тараз» КФК-ы барлық тілек білдірушілер арасында «Тараз» футбол клубы Әнұранының мәтініне байқау жариялайды, – деп хабарлайды “Эк-спорт” ақпарат агенттігі.
Ұсынылатын жұмыстарға қойылатын талаптар:
- Әнұран мәтіні қазақ тілінде болуы керек.
- Әнұран мәтіні қайырмасы оңай жатталатын екі шумақтан тұруы керек. Мәтін команданың спорттық рухын, оның футболдық дәстүрлерін, тарихи жеңістерін беруі тиіс.
- Мәтіннің музыкасының болуы қошталады.
- Мәтіні мен музыкасы еліміздегі және әлемдегі басқа футбол клубтарының сөздері мен әуендерін қайталамауы керек.
- Жеңімпаз Әнұран мәтіні мен музыкасының барлық құқығын «Тараз» КФК-ына беруі тиіс.
Өз туындыларыңызды үстіміздегі жылдың 1 тамызына дейін «Тараз» ФК-ның fc_taraz@mail.ru электронды поштасына немесе орталық стадиондағы баспасөз қызметіне жолдай аласыздар. Байқау жеңімпазы 50 000 теңге жүлдеге ие болады.
Ең бастысы – ол клуб тарихындағы тұңғыш Әнұранның авторы болады.
Ынталандыру сыйлықтары берілуі де мүмкін.
